EQQUSSISINNAANEQ: Kalaallit Nunaata kitaata kujataanut taamaallaat qimminik eqqussinissamut akuersissummik tunniussisoqarsinnaavoq, nunap immikkoortortaani Kangaamiuniit kujammut Nunap Isua tikillugu. INERTEQQUTEQARNEQ: Kalaallit Nunaata kitaata avannaanut qimminik eqqussinissamut akuersissummik tunniussisoqarneq ajorpoq, nunap immikkoortortaanut avannamut allorniusap sanimukartup 66-ip avannaaniittumut, tassa Sisimiuniit, Kangerlussuarmiit avannamut Qaanaap eqqaa tikillugu, kiisalu Tunu tamakkerlugu kujammut Nunap Isua tikillugu, allorniusap kimmut tukimukartup 44-ip kangiatungaaniittumut.

Kalaallit Nunaata Sinniisoqarfia aatsaat qimminik eqqussinissamut akuersissutinik tunniussisinnaavoq, ataani taaneqartut piumasaqaatit naammassineqarsimappata, taakkulu Sinniisoqarfimmut tunniunneqarsimappata:

1. Qinnuteqaat
2. Perlerornermut akiuussutissamik kapitissimanermut uppernarsaat, minnerpaamik ullunik 30-nik annerpaamillu qaammatinik 12-nik pisoqaassusilik
3. Qimmit nappaataannut aamma parvovirusimik aallaavilimmik aseruuttoornissamut akiuussutissamik kapissimanermut uppernarsaat
4. Uumasut nakorsaata peqqissuseq pillugu uppernarsaasiaa, ullut 14 -it sinnernagit pisoqaassuseqartussaq aamma qimmimut piginninnermut uppernarsaa
5. Kommunep najugaqarfigisap qimmiuteqarsinnaanermut akuersissutaa
6. Qimmit arnaviaappat: arnavissat kinguaassiorsinnaajunnaarsinneqarsimaneranik uppernarsaat.

Malugiuk: Sinniisoqarfiup uumasumik eqqussinissamut akuersissutaa kiisalu uppernarsaatit allat uumasup angallanneqarnerani nassarneqassapput.

Aallalernermi uumasumik eqqussinissamut akuersissut pigineqanngippat, uumasup angalaqataanissaa itigartitsissutigineqarsinnaavoq.

Qimmeq Kalaallit Nunaanut eqqussinissamut akuersissumik maani qinnuteqarit