Akuersissummik qinnuteqaatit piaarnerpaamik suliarineqartassapput.

Qinnuteqaat amigaateeqarpat akuersissut tunniunneqarsinnaanngilaq. Taamaassappat attavigineqassaatit.

Malugiuk akuersissummik qinnuteqarniaraanni kalaallit kommunianit akuersissummik peqartariaqartoq.

Akuersissut emailikkut nassiunneqassaaq.

Qinnuteqaat ullut 3 iluani sullinneqassaaq. 

Qimminik eqqussineq pillugu annerusumik paasisaqarusukkuit uani paasissutissat takusinnaavatit : Uumasunik eqqussineq - qimmit

Missingersuutit tamakkiisut (qallunaatoortoq) maani takuneqarsinnaapput.

Uppernarsaatit tamaasa ilanngunneqassapput: 

Kommunip najugaqarfigisap qimmiuteqarsinnaanermut akuersissutaa.

1. Perlerornermut akiuussutissamik kapitissimanermut uppernarsaat, minnerpaamik ullunik 30-nik annerpaamillu qaammatinik 12-nik pisoqaassusilik.
2. Qimmit nappaataannut aamma parvovirusimik aallaavilimmik aseruuttoornissamut akiuussutissamik kapissimanermut uppernarsaat.
3. Uumasut nakorsaanit peqqissutsimut uppernarsaat, ullut 14 -it annerpaamik pisoqaassusilik.
4. Qimmit arnavissat kinguaassiorsinnaajunnaarsinneqar- simanerannik uppernarsaat.
5. Sillimmasiisimaneq pillugu uppernarsaat.