Sullissivimmi ataatsimiittarfiit pingasut atorneqarsinnaapput siulliullutik inniminniisut tunngavigalugit attartorneqarsinnaasut. Ataatsimiittarfinnut pisariaqartitsineq ilaanni annertusarpoq, taamaattumillu siusissukkut inniminniisoqarnissaa siunnersuunneqarpoq.
Ataatsimiittarfiit PowerPoint atorlugu saqqummiussinermut skærm/seqersitsivinnik, skype assigisaallu atorlugit, oqarasuaatitigut ataatsimiittarnernut atortulersuugaapput. Tamatuma saniatigut videokonferencernermut atortut ataatsimiittarfinni 301, 338 aamma 350-miipput. Qarasaasiat angallattakkat nammineq pigisat atorneqarsinnaapput aammattaaq attartorneqarsinnaallutik.
Ataatsimiittarfiit inniminnernissaat kiisalu ataatsimiinnermi sassaalliutinik inniminniineq Sinniisoqarfimmut mail-ikkut saaffiginninnikkut periarfissaavoq: booking@ghsdk.dk
Malugiuk! Ataatsimiittarfik aatsaat inniminnerneqarsimasutut atuutissaaq, inniminniinermut uppernarsaat inniminniisumut nassiunneqareerpat.
Sapaatip akunnerata naanerani imaluunniit nalinginnaasumik suliffiup avataatigut ataatsimiinnerit pillugit allattoqarfik immikkut isumaqatigiissuteqarfigineqassaaq. Sapaatip akunnerata naanerani imaluunniit nalinginnaasumik suliffiup avataatigut ataatsimiinnermi ataatsimiinnermik akisussaasoq pulaartunut isissutissamik peqartariaqarpoq.
Ullup qeqqasiutissat pillugit allattoqarfik isumaqatigiissuteqarfigineqarsinnaavoq. Ullut tamaasa ullup qeqqasiutissanik pajunneqartarpugut, aammalu sapaatip akunnerata tullissaanut inniminniineq kingusinnerpaamik tallimanngornermi nal. 12.00 tunniunneqareersimassaaq.
Tikilluaqqusilluni aaqqissuussinerit, ilasseqatigiissitsinerit imaluunniit aaqqissuussinerit annertunerusut allatseqarfillu isumaqatigiissutigineqarsinnaapput.
Ataatsimiittarfik 350 inunnut 30-50-inut inissaqarpoq, taannalu init quleriiaat 3-anni saamiatungaaniippoq.
Ataatsimiittarfik 301 inunnut 12-inut inissaqarpoq, taannalu init quleriiaat 3-anni talerpiatungaaniippoq naalakkersuisoqarfiup eqqannguani.
Ataatsimiittarfik 338 init quleriiaat 3-anni saamiatungaaniippoq. Tasani inunnut 6 missaanut inissaqarpoq.
